cultural-attraction-stunning-ethiopia-47

የአዲስ አበባና የኦሮሚያ ልዩ ዞን የተቀናጀ የጋራ መሪ እቅድ የሚተገበረው በህብረተሰቡ ተቀባይነት ሲያገኝ ነው:- አፈ ጉባኤ አባ ዱላ

cultural-attraction-stunning-ethiopia-47

በአዲስ አበባና በፊንፊኔ ዙሪያ ኦሮሚያ ልዩ ዞን ከተሞችን በልማት ለማስተሳሰር ከወጣው እቅድ ጋር በተያያዘ ያለ ሕብረተሰቡ እውቅና ምንም አይነት አጀንዳ ተግባራዊ እንደማይሆን የሕዝብ ተወካዮች ምክር ቤት አፈ ጉባኤ አባዱላ ገመዳ አስታወቁ፡፡

ሕብረተሰቡ የትኛውንም አይነት የልማት ጥያቄ ለመረጠው መንግሥት የማቅረብ መብቱን እየተጠቀመ ልማቱን የሚያደናቅፉ ኃይሎችን በመከላከሉ በኩል ያለውን የቆየ ልምድ የበለጠ ሊጠቀምበት እንደሚገባ ነው አፈ ጉባኤው ዛሬ ከኢትዮጵያ ብሮድካስት ኮርፖሬሸን ጋር ባደረጉት ቆይታ ያብራሩት፡፡

ህብረተሰቡ ወደ ሰላማዊ እንቅስቀሴ በመመለስ ልማቱ ላይ እንዲያተኩር ጠይቀዋል።

የጋራ መሪ እቅዱ ከ2006 ጀምሮ ሳይተገበር እስከ አሁን የቆየው በህብረተሰቡ ዘንድ ግልፅነት ባለመፈጥሩ መሆኑንን የገለፁት አፈ ጉባኤ አባ ዱላ ፣ አሁንም ህብረተሰቡ ዘንድ ግልፅነት ሳይፈጠር የሚተገበር እቅድ እንደማይኖር ተናግረዋል።

የክልሉ መንግስት አቋም ይህ ሁኖ ሳለ አንዳንድ የሀገር ውስጥና የውጭ አስተያየት ሰጪዎች መንግስት እስከ አሁን እቅዱን ያልተገበረው በስውር ተግባራዊ ሊያደርገው ነው በማለት የሚያሰተላልፉት መልዕክት መሰረተ ቢስመሆኑን ህዝቡ ሊረዳው ይገባል ብለዋል አፈ ጉባኤው። በመሆኑም ህብረትሰቡ አሉኝየሚላቸውን ጥያቄዎች በሰላማዊ መንገድ ለመንግስት አቅርቦ ተቀባይነት ሲገኝ ብቻ እቅዶች ነው እንደሚተገበሩም አፈ ጉባኤ አባ ዱላ የተናገሩት።

በተለይም ወጣቱ በህገ መንግስቱ የተቀመጡለትን መብቶች ጠንቅቆ በመረዳት የሰላም ዘብ ሊሆን እንደሚገባም አስገንዘብዋል።

ጥላሁን ካሣ ዝርዝሩን እንደሚከተለው አዘጋጅቶታል፡፡

You may also like...